Për ne
Fatmire N. Dumoshi ka përvojë të gjatë menaxheriale në lëminë e burimeve njerëzore, në organizata e sektorë të ndryshëm në Kosovë, me 40-400 punonjës, Kjo përvojë ka shifra të jashtëzakonshme të proceseve të intervistimit, rekrutimit, trajnimeve për qinda kandidatë, të punësuar e pjesëmarrës të tjerë gjatë dy dekadave të fundit në temat e menaxhimit të BNJ. Është autore e librit “Intervista për punë” dhe tash së fundmi themeluese e agjensionit për trajnime dhe konsulencë të burimeve njerëzore.
Fatmire N. Dumoshi ka lindur në vitin 1973 në Prishtinë. Ka kryer studimet Bachelor në Psikologji të përgjithshme si dhe studimet Master në Psikologji sociale dhe organizative në Prishtinë. Ka rreth 18 vjet përvojë menaxheriale të nivelit të lartë në organizata dhe sektorë të ndryshëm në Kosovë si udhëheqëse e burimeve njerëzore. Në këtë cilësi, si specialiste e lëmisë – në intervistim, rekrutim, trajnim & zhvillim, menaxhim të performancës, politikat dhe procedurat/zhvillimi i manualeve, benefitet e punonjësve, skemat e kompensimit, sjellja organizative, komunikimi efektiv, menaxhment dhe lidership, etikë të punës etj. ajo ka mbajtur dhjetëra trajnime për qinda pjesëmarrës në të gjitha këto tema.
Është autore e librit “Intervista për punë” (Shtëpia botuese KOHA, 2022) i cili shërben si udhëzues praktik se si të përgatiten punëkërkuesit për një intervistë pune, duke filluar nga përgatitja e biografisë, CV-së, letrës motivuese, testimit e deri te intervista për punë, libër ky i pari i këtij lloji në gjuhën shqipe.
Përmes HR Prospero, ajo ofron shërbime të menaxhimit të funksionit të BNJ për organizata/biznese të ndryshme. Trajnimet dhe përgatitja e mentorimi i talenteve të reja që hyjnë në treg të punës si dhe profesionistët e BNJ janë specialiteti i punës së saj – ata me të cilët ajo ndan përvojën, njohuritë dhe pasionin e saj për ngritjen dhe zhvillimin e burimeve njerëzore.